Yəmən ordusu növbəti dəfə Səudiyyəyə məxsus gəmini məhv etdi

Yəmən mətbuatının verdiyi xəbərə görə, Səudiyyə Ərəbistanının Yəmənə təcavüzü davam edir. Belə ki, Taiz vilayətinin dəniz sahilində yerləşən kənd və qəsəbələrinə Səudiyyə Ərəbistanına məxsus hərbi gəmidən raket zərbələri endirib. Bu səbəbdən “Ənsarullah” və Yəmən ordusu cavab olaraq gəmiyə qurudan bir neçə raket zərbəsi endiriblər . Nəticədə Səudiyyə Ərəbistanına məxsus olan hərbi gəmi batıb. Bu hadisədən sonra Səudiyyə aviasiyası və gəmiləri Taiz vilayətinin Mokha rayonunu intensiv zərbələrə məruz qoyub.

Xatırladaq ki, “Ənsarullah” və Yəmən ordusu indiyə qədər bu gəmi də daxil olmaqla Səudiyyə Ərəbistanına məxsus artıq 4-cü gəmini məhv edib.

Qeyd edək ki, Səudiyyə Ərəbistanı və müttəfiqlərinin mart ayının 26-dan Yəmənə qarşı başlatdığı təcavüz nəticəsində minlərlə mülki vətəndaş həyatını itirib, 10 minlərlə vətəndaş isə yaralanıb. Yüz minə yaxın insan öz evlərindən didərgin düşüb. Minlərlə yaşayış binası, məktəb, xəstəxana və digər sosial obyektlər dağıdılıb. Yəməndə humanitar vəziyyət Səudiyyə və müttəfiqlərinin havadan və qurudan tətbiq etdiyi blokada səbəbindən günü-gündən pisləşir. Humanitar təşkilatlar Yəmənə yetərli diqqət ayırmırlar. Dünya ictimaiyyəti, bəzi ölkələr çıxmaq şərti ilə, Səudiyyə Ərəbistanının bu vəhşiliyinə göz yummağa davam edir.