Axar.az xəbər verir ki, bu barədə Kərkük Vilayət Məclisinin neft və enerji komissiyasının rəhbəri Əhməd Əsgəri məlumat verib. Onun sözlərinə görə, ixracat Türkiyənin tələbindən sonra dayandırılıb:
“Gündəlik 105 min barrel olan neft ixracı dünəndən etibarən dayandırılıb. Türkiyə tərəfi texniki problem olduğunu deyib. Bunun nə qədər doğru olduğunu bilmirik”.
Əsgəri Kərkükdə neft istehsalının davam etdiyini qeyd edib:
“Kərkük nefti Kürdüstan neft boru xətti vasitəsilə ixrac edilir. Bu səbəbdən neft ixracatı tamamilə dayandırıla bilər”.