BMT: Müharibəyə görə hər 10 dəqiqədə 1 yəmənli uşaq həyatını itirir

Maide.Az xəbər verir ki, Stephen O'Brayn deyib ki, Səudiyyə Ərəbistanın başçılıq etdiyi koalisiyanın Yəmənə davamlı hücumları nəticəsində bu ölkədə ərzaq təhlükəsizliyi böhran həddinə çatıb və insani faciə getdikcə artır. “Hər 10 dəqiqədə ən az bir yəmənli uşaq həyatını itirir. Yəməndəki döyüşlər dünya qida təhlükəsizliyi sahəsində fövqəladə hal elan edilməsi üçün ən böyük səbəbdir. Əgər bu ölkədə tez bir zamanda tədbir görülməzsə, 2017-ci il qıtlıq ili olacaq”.

O deyib ki, Yəmən xalqının təqribən 80 faizinin (14 milyon nəfərin) ərzaq yardımlarına ehtiyacı var. “Bu insanların yarısından çoxu artıq aclıqla üz-üzədir. Ən az 2 milyon yəmənlinin yaşaması üçün zəruri ərzaq yardımına ehtiyacı var.”

S. O'Brayn deyib ki, ümumiyyətlə Yəməndə uşaqların durumu çox acınacaqlıdır.