APA-nın məlumatına görə, insident dövlət başçısının Braks şəhərinə səfəri zamanı baş verib. Hasarın yanından keçərək onu gözləyən yerli sakinlərə yaxınlaşan prezident gözlənilməz hadisə ilə üzləşib. Sakinlərdən biri Sarkoziyə əl uzadıb, sonra onun pencəyinin ətəyindən yapışaraq özünə tərəf çəkib. Nəticədə Sarkozi müvazinətini itirib, lakin yıxılmayıb. Mühafizəçilər xuliqanı tutaraq ərazidən uzaqlaşdırıblar. Hadisəni törədən şəxsin adı açıqlanmır. İnsidentin motivləri də məlum deyil.