Misirdə yeni parlament seçkilərinin vaxtı açıqlandı

Milli.Az xəbər portalı ANS PRESS-ə istinadən bildirir ki, Misirdə parlament seçkiləri sentyabrın sonlarında keçiriləcək. Bu bəyanatı Birləşmiş Ərəb Əmirliklərinə səfəri zamanı Misirin baş naziri İsam Şərəf verib. Onun sözlərinə görə, parlament seçkilərinin ardınca prezident seçkiləri də keçiriləcək. Baş nazir deyib ki, seçkilər planlaşdırılan müddətdə baş tutacaq.

Misirin bəzi siyasətçiləri seçkilərin başqa vaxta keçirilməsini təklif edirlər. Əksər siyasətçilərin fikrincə, sentyabrda xalq seçki prosesinə daha yaxşı hazırlaşan “Müsəlman qardaşları”na səs verəcək, daha az tanınan yeni partiyalar isə parlamentdə yer qazana bilməyəcəklər.