Merkel hiddətləndi - "Şagirdlər başqa yerdə görüşəcəklərsə..."

Teleqraf.com xəbər verir ki, AFR-in federal kansleri Angela Merkel bəzi əyləncə müəssisələrinin qapılarını müştərilərin, o cümlədən məktəb yaşında olanların üzünə açıq saxlamasından hiddətlənərək narazılığını ürəkağrısı ilə məhz belə ifadə edib.

Kansler vətəndaşları evdə oturmağa və kəskin ehtiyac olmadan heç bir yerə getməməyə çağırıb.

O, almanları vətəndaş həmrəyliyinə, şüurlu davranışa, koronavirusun yayılmasının qarşısını almaqda yardımçı olmağa səsləyib. Elan olunmuş məhdudlaşdırıcı tədbirlərin həyata keçirilməsi federal torpaqların və kommunaların üzərinə düşür.

Bununla yanaşı, Merkel nəzərdə tutulan tədbirlərin yerinə yetirilməsinə “ciddi nəzarət olunacağı” barədə də xəbərdarlıq edib.