BMT-dən bütün dini liderlərə çağırış

Axar.az xəbər verir ki, bunu BMT-nin baş katibi Antonio Quterreş bütün dini liderlərə müraciətində deyib.

O bildirib ki, bunu dini təqvimdə qeyd olunacaq xüsusi günlərin ərəfəsində edir:

“Xristianlar Pasxa bayramını, yəhudilər isə Pesax bayramını qeyd edirlər. Yaxın zamanda müsəlmanların müqəddəs Ramazan ayı başlayacaq. Bu hadisələrin hər zaman birləşmə anları olduğunu bilirik. Ailələr bir araya gəlir. Qucaqlaşmalar, görüşmələr və insanların toplaşması baş verir. Amma indi fərqli zamandır. Hamımız qəribə, sürreal dünyadan baş açmağa çalışırıq. Səssiz küçələr dünyası. Qapalı dükanlar. Boş qalmış ibadət yerləri. Narahatlıq dolu bir dünya. Biz sevdiklərimizdən narahatıq, onlar da bizdən.

Gəlin, hamımız bu müqəddəs bayramların mahiyyətindən ilhamlanaraq, onları düşünmək, xatırlamaq və yenilənmək anları kimi yaşayaq. Bunları düşünərkən, bu dəhşətli virusa qarşı ön cəbhədə mübarizə aparan qəhrəman tibb işçilərini və şəhər və qəsəbələrimizdə həyatın davam etməsi üçün çalışanları unutmayaq.

Eyni zamanda, bir-birimizə olan inamımızı yeniləyək. Bir-birinə qayğı göstərmək üçün çətin zamanlarda müxtəlif dini etiqadların və etik ənənə icmalarının bir araya gəlməsindən yararlanaq.

Biz bu virusu əməkdaşlıq, həmrəylik və ümumbəşəri dəyərlərlə birlikdə məğlub edə bilərik”.