Moskva: ABŞ-da kimin prezident olacağının bizim üçün əhəmiyyəti yoxdur!

Rusiya Xarici İşlər Nazirliyinin sözçüsü Maria Zaxarova Co Baydenin ABŞ prezidenti seçilməsi ilə Moskva ilə Vaşinqton arasındakı münasibətlərin dəyişməyəcəyini söyləyib.

Zaxarova deyib: "Təəssüf ki, Ağ Ev rəsmilərinin dəyişməsindən sonra belə ikitərəfli münasibətləri yaxşılaşdıracaq heç bir müsbət addım gözlənilmir. ABŞ-ın Rusiyaya qarşı xarici siyasəti dəyişməz olaraq qalacaq. Bu vəziyyətin yeni administrasiyada dəyişməyəcəyinin səbəbi isə yeni dövlətin daxili siyasətə daha çox diqqət ayıracağıdır."

Rusiyalı diplomat daha sonra deyib: "ABŞ-da kimin prezident olduğu Rusiya üçün mühüm deyil və vacib olan ikitərəfli əməkdaşlıqdır. Bizim öz prezidentimiz var. Bizim üçün vacib olan Rusiya-Amerika münasibətləri, dünya məsələlərində ikitərəfli əməkdaşlıqdır."