Tramp: seçkidə uduzmadım; Böyük etirazlar yoldadır!

ABŞ prezidenti Donald Tramp bu gün Twitter-də "böyük" etiraz aksiyalarının 6 yanvar tarixində Vaşinqtonda baş tutacağını bildirib.

Tramp Twitter vasitəsi ilə yayımladığı mesajında müşavirlərindən biri olan Peter Navarronun ​​"Washington Examiner"də yer alan seçki saxtakarlığı ilə bağlı hesabatına istinad edərək seçkilərdə məğlub olmasının imkansız olduğunu iddia edib.

Tramp bildirib ki, Peter Navarro seçki saxtakarlıqları ilə bağlı 36 səhifəlik bir hesabat hazırlayıb. Tramp bu hesabatın seçkidə qələbə qazanmaq üçün kifayət etdiyini söyləyib.

Tramp deyib: "Statistikaya görə, guya seçkidə məğlub oldum, ama bu mümkün deyil! 6 yanvarda Vaşinqtonda geniş miqyaslı etirazlar keçiriləcək. Orada olun, etirazlarımız çox şiddətli olacaq."