0
Monday 21 Jul 2014 00:38
اسلام ٹائمز۔ مجلس وحدت مسلمین گلگت کے زیراہتمام مظلومین غزہ کی حمایت میں ایک عظیم الشان ریلی امامیہ جامع مسجد گلگت سے نکالی گئی، جو مختلف راستوں سے ہوتی ہوئی بےنظیر چوک پر پہنچ کر اختتام پذیر ہوئی۔ ریلی کے شرکاء سے سیکرٹری جنرل مجلس وحدت مسلمین گلگت ڈویژن شیخ محمد بلال سمائری، شیخ شہادت حسین، شیخ عاشق حسین اور سید یعسوب الدین نے خطاب کیا، جبکہ دوسری طرف نومل میں بھی ایک احتجاجی ریلی نکالی گئی، جس سے سیکرٹری جنرل مجلس وحدت مسلمین صوبہ گلگت بلتستان شیخ نیئر عباس مصطفوی نے خطاب کیا۔ مقررین نے اپنے خطاب میں کہا کہ فلسطینی مسلمانوں پر اسرائیل کی جانب سے ہونے والی وحشیانہ بربریت پر عرب دنیا کی خاموشی مسلم امہ کیلئے لمحہ فکریہ ہے۔ عرب ممالک شام اور عراق میں دہشت گردوں کی کھل کر حمایت کر رہے ہیں اور مظلوم فلسطینی عوام پر اسرائیل کی جانب سے ڈھائے جانیوالے مظالم کے خلاف خاموشی دراصل عرب ممالک کا اسرائیل کے ساتھ گٹھ جوڑ ہے۔ ان ممالک کو مسلمانوں سے زیادہ یہودیوں کے مفادات عزیز ہیں۔
خبر کا کوڈ : 400584
منتخب
26 Apr 2024
26 Apr 2024
26 Apr 2024
25 Apr 2024
25 Apr 2024
25 Apr 2024
ہماری پیشکش
