کوئٹہ، سکیورٹی فورسسز کے قافلے کے قریب دھماکہ

اسلام ٹائمز۔ کوئٹہ میں قمبرانی روڈ پر سکیورٹی فورسز کے قافلے کے قریب دھماکے کے نتیجے میں ایک شخص جاں بحق ہو گیا جبکہ خاتون سمیت 5 افراد زخمی ہوئے ہیں۔ ایس پی سریاب کے مطابق دھماکا خیز مواد موٹرسائیکل میں نصب کیا گیا تھا، جس سے سکیورٹی فورسز کا قافلہ محفوظ رہا۔ ریسکیو ٹیموں نے جاں بحق شخص کی لاش اور زخمیوں کو فوری طور پر اسپتال منتقل کیا ہے۔ پولیس نے علاقے کو گھیرے میں لے کر آمد و رفت کے لئے بند کر دیا ہے۔