Əfqanıstanda 4 QHT üzvü oğurlanıb

Fransanın kənd təsərrüfatı və tikinti layihələri ilə məşğul olan Agency for Technical Cooperation and Development (ACTED) qeyri-kommersiya təşkilatının 4 əfqan üzvü Əfqanıstanın şimalındakı Fəryab əyalətində oğurlanıblar. Hadisə Nəccar yaşayış məntəqəsində baş verib.

ACTED-in regional şöbəsinin nümayəndəsi Əhməd Cavidin məlumatına görə, oğurlanmış şəxslərin taleyi barədə hələlik heç nə məlum deyil, hökumətlə mübarizə aparan qruplardan heç biri bu hadisəyə görə məsuliyyəti öz üzərinə götürməyib.