Yəməndə partlayış: 25 ölü

Yəmənin Abyan əyalətində baş vermiş partlayış nəticəsində ölənlərin sayı 25-ə çatıb. Ordu rəsmilərinin məlumatına görə, partlayış Caar şəhərində hərbçinin dəfni zamanı törədilib. Partlayışın arxasında "Əl-Qaidə" terror şəbəkəsinin dayandığı ehtimal edilir.

Qeyd edək ki, son 2 ay ərzində Abyan əyalətində hökumət silahlı qruplaşmalara qarşı mübarizəni gücləndirib. 2011-ci ildə isə Abyanın bir neçə şəhəri "Ənsar əl-Şəriət" qruplaşmasının nəzarəti altında idi./ans/