Qəddafinin ölüsünü və ya dirisini gətirəcək şəxslərə mükafat vəd olunub

APA-nın “Əl-Cəzirə”yə istinadən verdiyi məlumata görə, Qəddafini təslim edəcək, yaxud öldürəcək şəxslərə amnistiya da vəd olunub. Müvafiq müraciət diktatorun yaxın silahdaşlarına çatdırılıb. Liviyalı bəzi iş adamları mükafatı ödəməyə razılıq veriblər.

Qeyd edək ki, hazırda Qəddafi və onun ailə üzvlərinin harada olduqları bəlli deyil. Onun iqamətgahı müxaliflər tərəfindən ələ keçirilib.