ہماری جماعت جلد ہی آزاد امیدواروں کےلیے پارٹی بینر کا اعلان کرے گی، زلفی بخاری

اسلام ٹائمز۔ بانی پاکستان تحریک انصاف عمران خان کے میڈیا ایڈوائزر ذلفی بخاری نے کہا ہے کہ ہمیں اس بات کا کوئی خدشہ نہیں کہ آزاد امیدوار کہیں چلے جائیں گے۔ خبر ایجنسی سے گفتگو کرتے ہوئے ذلفی بخاری کا کہنا تھا کہ ہماری جماعت جلد ہی آزاد امیدواروں کے لیے پارٹی بینر کا اعلان کرے گی۔ انہوں نے کہا کہ آزاد امیدواروں کے لیے پی ٹی آئی کا حمایت یافتہ بینر کا 24 گھنٹوں میں اعلان کردیا جائے گا۔ انہوں نے کہا کہ ہمیں اس بات کا کوئی خدشہ نہیں کہ آزاد امیدوار کہیں چلے جائیں گے، آزاد امیدوار وہ لوگ ہیں جنہوں نے پچھلے 18 ماہ سخت محنت کی ہے۔