اسلام ٹائمز۔ مسلم لیگ نون کے رہنماء طارق فضل چوہدری نے کہا ہے کہ اگر کسی نے اسلام آباد پر یلغار کا سوچا تو نتائج بھگتنا ہوں گے۔ اسلام آباد میں میڈیا سے گفتگو کرتے ہوئے طارق فضل چوہدری نے کہا کہ وزیرِ اعلیٰ کے پی اسلام آباد پر یلغار کی بات کس حیثیت میں کر رہے ہیں۔ طارق فضل چوہدری کا کہنا ہے کہ مسلم لیگ نون منفی سیاست پر یقین نہیں رکھتی، کسی بھی مسئلے کا حل سیاست میں ڈائیلاگ سے ہی ممکن ہے۔ انہوں نے کہا کہ اداروں کے خلاف گفتگو اور گالم گلوچ کلچر کا خاتمہ ہونا چاہیئے۔ نون لیگی رہنماء کا کہنا ہے کہ مذاکرات کی بات کو کمزوری نہ سمجھا جائے۔