اسلام ٹائمز۔ بریگیڈیئر (ر) حارث نواز نے کہا کہ نریندرمودی بھارت کو ہندوتوا کی طرف لیکرجارہا تھا، نریندرمودی کو اپنی پالیسیوں کو ری وزٹ کرنا پڑے گا۔ بریگیڈیئر (ر) حارث نواز نے ایک نجی ٹی وی سے گفتگو کرتے ہوئے کہا کہ نریندر مودی کے لئے یہ الیکشن سیٹ بیک ہے۔ نریندر مودی مقبوضہ کشمیر میں ہندو وزیراعلیٰ لانا چاہتے ہیں۔ سینئر تجزیہ کار ڈاکٹر قمر چیمہ نے گفتگو کرتے ہوئے کہا کہ نریندر مودی نے الیکشن میں ریاستی مشینری کو استعمال کیا۔ نریندر مودی نے الیکشن میں عدلیہ کو بھی استعمال کیا، نریندر مودی ان علاقوں میں ہارے جہاں وہ سوچ بھی نہیں سکتے تھے۔ ڈاکٹر قمر چیمہ نے مزید کہا کہ کانگریس پارٹی نے عام لوگوں میں بھارتیہ جنتا پارٹی کا چہرہ بے نقاب کیا۔