اسلام ٹائمز۔ مجلس وحدت مسلمین عزاداری ونگ جنوبی پنجاب کے زیراہتمام مسجد ابوطالب علیہ السلام چوک حسین آباد لیہ میں ''غیبت امام زمانہ علیہ السلام میں ہماری ذمہ داریوں'' کے عنوان سے سیمینار منعقد ہوا، سیمینار سے حجتہ الاسلام مولانا عقیل عباس سیال نے خطاب کیا۔ اس موقع پر مجلس وحدت مسلمین عزاداری ونگ جنوبی پنجاب کے صوبائی نائب صدر صفدر حسین خان اور دیگر موجود تھے۔ مولانا عقیل عباس سیال نے خطاب کرتے ہوئے کہا کہ وقت کے امام کی معرفت کے بغیر زندگی بے معنی و بے وقعت ہے، ہمیں اپنی ذمہ داریوں کو نبھاتے ہوئے ظہور امام زمانہ علیہ السلام کے لیے زمینہ سازی کی ضرورت ہے، جس کے لیے ہر فرد کو اپنے حصے کی کوشش کرنے چاہیے۔ سیمینار کا اختتام دعائے امام زمانہ علیہ السلام سے ہوا۔