افغانستان سے افرادی قوت کی روس منتقلی کا منصوبہ

اسلام ٹائمز۔ اپنے روسی ہم منصب کے ساتھ ملاقات میں طالبانی وزیر محنت و سماجی امور نے افغانستان سے مزدوروں کی روس منتقلی کا منصوبہ پیش کیا ہے۔
 
افغان وزارت محنت و سماجی امور کے اعلامیے کے مطابق اس ملاقات میں فریقین نے دوطرفہ تجارتی و اقتصادی تعلقات کو مضبوط بنانے پر بھی زور دیا۔

اس موقع پر طالبانی وزیر محنت و سماجی امور کا کہنا تھا کہ روس کے اقتصادی دارالحکومت سینٹ پیٹرزبرگ میں روس میں افغانستان کے ہنرمند و نیم ہنر مند محنت کشوں کی منتقلی، سماجی تحفظ کے شعبے میں ملکی تجربات کا اشتراک اور وزارت محنت و سماجی امور کے ملازمین کی صلاحیتوں کو بہتر بنانے کے لئے پروگراموں کی فراہمی جیسے مسائل پر تبادلہ خیال ہوا۔