غزہ سے واپسی پر ایک اور صیہونی فوجی افسر کی خودکشی

الیران میزراحی کا تعلق غزہ میں موجود 271 ویں انفنٹری یونٹ سے تھا کہ جو چند روز قبل ہی چھٹی لے کر مقبوضہ فلسطین واپس پہنچا تھا جبکہ غزہ میں اپنے قیام کے دوران وہ سوشل نیٹ ورکس پر اپنی تصاویر و ویڈیوز شائع کرتا رہا۔

صیہونی میڈیا کا کہنا ہے کہ اگرچہ فوجیوں کی خودکشی یا اس جیسے دوسرے نقصانات سے متعلق خبروں کو اسرائیلی فوج کے سنسر شپ ڈیپارٹمنٹ کی جانب سے سختی کے ساتھ کنٹرول کیا جاتا ہے لیکن پھر بھی وقتاً فوقتاً ایسی خبریں صیہونی ذرائع ابلاغ میں شائع ہوتی رہتی ہیں۔

اس حوالے سے معروف صیہونی اخبار ہآرٹز (Haaretz) نے بھی 23 مئی کے روز جاری ہونے والی اپنی ایک رپورٹ میں غاصب اسرائیلی فوجیوں کے درمیان خودکشی کے روزافزوں واقعات میں کئی گنا کے اضافے کا اعلان کرتے ہوئے لکھا تھا کہ غزہ کے خلاف جنگ کے آغاز سے لے کر اب تک خودکشی کرنے والے اسرائیلی فوجی افسروں کی تعداد 10 تک جا پہنچی ہے!