اسلام ٹائمز۔ لاہور میں محرم کے مرکزی جلوس کی سکیورٹی اور چیکنگ کے نظام کو شیعہ سیفٹی نے فول پروف بنانے کا عزم ظاہر کیا ہے۔ شیعہ سیفٹی کے سیکرٹری جنرل سیرت عباس نے اپنی ٹیلیفونک گفتگو میں کہا ہے کہ شیعہ سیفٹی مورخہ 24 اکتوبر 2014ء کو لاہور میں سکیورٹی آلات تقسیم کریگی۔ اس مقصد کیلئے کرشن نگر میں ایک تقریب منعقد کی جائے گی، جس میں پولیس کے اعلٰی افسران شرکت کرینگے۔ اس تقریب میں مختلف مجالس و جلوس عزا کے بانیان اور لاہور بھر سے عزادران امام حسین (ع) بھی شریک ہونگے۔ انہوں نے کہا کہ کراچی کوئٹہ اور لاہور کے بعد پاکستان بھر میں جامع سکیورٹی کے نظام کو متعارف کروائیں گے۔ شیعہ سیفٹی پاکستان کا واحد ادارہ ہے جس نے ملت تشیع و عزاداری کے تحفظ کیلئے ہنگامی اقدامات اٹھائے ہیں۔