سکھ اینکر ہرمیت سنگھ کا تعزیتی ریفرنس سے اہم خطاب

متعلقہ فائیلیںاسلام ٹائمز۔ مجلس وحدت مسلمین پاکستان کے زیر اہتمام عالم اسلام کے نامور رہنما اور ہمسایہ برادر ملک ایران کے صدر سید ابراہیم رئیسی اور ان کے رفقاء کی یاد میں ایک تعزیتی ریفرنس کا انعقاد کیا گیا۔ تعزیتی ریفرنس سے سربراہ مجلس وحدت مسلمین سینیٹر علامہ راجہ ناصر عباس جعفری، اسلامی جمہوریہ ایران کے سفیر رضا امیری مقدم، پشتونخوا ملی عوامی پارٹی کے چیئرمین محمود خان اچکزائی، سربراہ سنی اتحاد کونسل صاحبزادہ حامد رضا، ممبر قومی اسمبلی سردار لطیف کھوسہ، مرکزی رہنما تحریک انصاف عامر ڈوگر، خواجہ مدثر محمود، رہنما عوامی نیشنل پارٹی ساجد ترین، جاوید حنیف خان، پی ٹی آئی رہنما شائستہ کھوسہ، صدر نیشنل پریس کلب اظہر خان جتوئی، آصف محسود ایم پی اے جنوبی وزیرستان، معروف صحافی و اینکر پرسن مظہر برلاس، سردار ہرمیت سنگھ، چکوال سے ممبر قومی اسمبلی جاوید اقبال، نمائندہ سول سوسائٹی زمرد خان، ممبر قومی اسمبلی ایم ڈبلیو ایم انجینئر حمید حسین، سید ناصر عباس شیرازی، سید اسد عباس نقوی، ملک اقرار علوی سمیت مختلف سیاسی مذہبی، وکلا، میڈیا و سماجی شخصیات نے شرکت اور خطاب کیا۔ سکھ اینکر سردار ہرمیت سنگھ کا کہنا تھا کہ پاکستان میں اُن کے دورے کو ہمیشہ یاد رکھا جائیگا، اُن کے خطاب کو، اُن کے بیٹھنے کے انداز کو، وہ مجمع میں آکر عام کرسی پر بیٹھے، وہ مظلوم فلسطینیوں کی حقیقی سفیر بن کر سامنے آئے، ایرانی صدر نے بتایا کہ وہ حاکم رہ کر بھی صرف پانچ مرلے کے گھر میں رہتے تھے، وہ امیر عوام کے غریب حاکم تھے، ایرانی صدر کے جنازے میں عوامی شرکت نے بتایا کہ وہ عوام کے محبوب ترین لیڈر تھے۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/c/IslamtimesurOfficial