بلوچستان صوبائی بجٹ کی تیاری، محکمہ خزانہ کے ملازمین کی ہفتہ و اتوار کی چھٹیاں ختم

اسلام ٹائمز۔ حکومت بلوچستان نے صوبائی بجٹ کی تیاریاں شروع کر دیں۔ محکمہ خزانہ کے ملازمین کی ہفتہ اور اتوار کی چھٹیاں عارضی طور پر ختم کر دی گئی ہیں۔ محکمہ خزانہ بلوچستان کی جانب سے جاری اعلامیہ کے مطابق سالانہ بجٹ 2024 تا 25ء کے سلسلے میں محکمہ خزانہ کے ملازمین کی ہفتہ اور اتوار کی چھٹیاں 18 مئی سے 30 جون تک ختم کر دی گئی ہیں۔ ملازمین صوبائی بجٹ کی تیاری کے لئے کام کریں گے۔