اسلام ٹائمز۔ ملک بھر میں جمیعت علماء اسلام (ف) کی رکنیت سازی کا عمل شروع کر دیا گیا۔ جمیعت علماء اسلام (ف) کی جانب سے رکنیت سازی کا مرحلہ 2023 محرم الحرام میں شروع ہونا تھا، مگر انتخابات کی وجہ سے موخر کر دیا گیا تھا۔ ترجمان کے مطابق رکنیت سازی کے عمل کے بعد لاکھوں نوجوانوں کو جماعت کی خدمت اور جماعتی منشور کو آگے بڑھانے کا موقع ملے گا۔ تمام صوبہ جات کے ناظمین کے نام مراسلہ جاری کر دیا گیا ہے۔ مراسلے کے مطابق مرکزی معاونین ناظم انتخابات پنجاب عبدالقیوم، مولانا عبداللہ اور شہباز گجر جبکہ صوبائی ناظم پنجاب میں نور خان ہانس کے نام شامل ہیں۔