صدر جامعہ روحانیت بلتستان کا ایرانی صدر اور انکے ساتھیوں کی شہادت پر تعزیتی پیغام

اسلام ٹائمز۔ صدر مملک ایران اور انکے ہمراہ موجود افراد کی شہادت پر صدر جامعہ روحانیت بلتستان پاکستان سید احمد رضوی نے تعزیت پیش کی، تعزیتی پیغام کا متن مندرجہ ذیل ہے۔
انا للہ وانا الیہ راجعون
اسلامی جمہوریہ ایران کے معزز صدر، آیت اللہ سید ابراہیم رئیسی اور ان کے باوفا ساتھیوں کی شہادت کی ناقابل یقین خبر نے بلتستان پاکستان کے طلباء کو مغموم کر دیا اور یہ دلخرش سانحہ اس خطے کے طلباء اور علماء کے لیے گہرے دکھ کا باعث بنا۔ ایرانی قوم کی خدمت اور امت مسلمہ کی عزت و سربلندی کیلئے شہید سید ابراہیم رئیسی کی مسلسل جدوجہد سب پر عیاں ہے۔ شہید صدر رئیسی کا پچھلے مہینے دو اسلامی ملکوں کے درمیان محبت اور دوستی کا پیغام لیکر پاکستان کا دورہ ہم کبھی نہیں بھولیں گے، جس سے پاکستانی قوم کے دلوں میں اسلامی جموریہ ایران کے ساتھ عقیدت میں مزید اضافہ ہوا۔ ان باشرف اور نجیب افراد کی جدائی پر نہایت غم و افسوس کے ساتھ رہبر معظم انقلاب اور اسلامی جمہوریہ ایران کے تمام مسئولین کو تعزیت اور تسلیت عرض کرتے ہیں۔ خداوند متعال کی بارگاہ میں دعا کرتے ہیں کہ ان شہیدوں کو اپنے مقرب بندوں کے ساتھ محشور فرمائے، آمین