وزیر اعظم نے گلگت بلتستان کے مسائل کے حل کیلئے 7 رکنی کمیٹی بنا دی

اسلام ٹائمز۔ وزیر اعظم شہباز شریف نے گلگت بلتستان کے مسائل کے حل کیلئے ایک کمیٹی تشکیل دے دی ہے۔ کمیٹی میں 4 وفاقی وزراء سمیت 3 صوبائی وزراء بھی شامل ہیں۔ وزیراعظم کی جانب سے بنائی گئی کمیٹی میں صوبائی وزراء انجینر محمد انور، انجینر اسماعیل اور فتح اللہ خان شامل ہیں۔ چیف سیکرٹری گلگت بلتستان بھی کمیٹی کے ممبر ہیں۔ کمیٹی صوبے کو درپیش مسائل کا جائزہ لے کر 30 دن میں رپورٹ پیش کرے گی۔