دنیا عالمی عدالت انصاف کے فیصلے پر عملدرآمد کروائے، شہباز شریف

اسلام ٹائمز۔ وزیراعظم شہباز شریف نے عالمی عدالت انصاف کے فیصلے کا خیر مقدم کرتے ہوئے کہا ہے کہ عالمی برادری رفح میں اسرائیلی آپریشن روکنے کے عالمی عدالت کے فیصلے پر فوری عمل کروائے۔ اپنے ایک بیان میں وزیراعظم نے کہا کہ رفح میں آپریشن روکنے سے دنیا میں امن کی راہ ہموار ہوگی۔ وزیراعظم نے مظلوم انسانیت کیلئے پٹیشن دائر کرنے پر جنوبی افریقہ کو خراج تحسین پیش کیا۔ شہباز شریف نے کہا کہ فیصلے کے مطابق اقوام متحدہ کے تحقیقاتی کمیشن کو غزہ اور رفح میں رسائی دی جائے، راستے کھولنے، غذائی اور طبی امداد کی فوری فراہمی کے فیصلے پر عملدرآمد کروایا جائے۔