ملک میں بنیادی انسانی حقوق سے محرومی کا احساس بڑھتا جا رہا ہے، امان اللہ کنرانی

اسلام ٹائمز۔ سپریم کورٹ بار ایسوسی ایشن کے سابق صدر اور سابق صوبائی نگران وزیر امان اللہ کنرانی نے ملکی حالات پر تشویش کا اظہار کرتے ہوئے کہا ہے کہ ریاستی و حکومتی اور سیاسی ڈھانچہ اس وقت ریشہ دوانیوں و محلاتی سازشوں سے دو چار ہے۔ ملک میں بنیادی شہری و انسانی حقوق سے محرومی کا احساس بڑھتا جا رہا ہے۔ انہوں نے اپنے جاری کردہ بیان میں کہا کہ جس کا ملبہ داری ریاست، سیاست اور حکومت کی بجائے عدلیہ پر گرایا جا رہا ہے اور ایک سیاسی پارٹی بدزبانی کے ذریعے اداروں کو زیر، دوسری طرف من پسند ججوں سے فیصلوں کی خواہش پر دلیل کی بجائے دباؤ و تناؤ کو فروغ دینا چاہتی ہے۔ جس سے ملک اور عوام کرب میں مبتلا ہیں۔ اس صورتحال میں عدلیہ ہی عوام کی امنگوں کی تعبیر ہے۔ ہر فرد اور ادارے کو اس کے احترام کو ملحوظ رکھنا چاہئے۔