پاکستان تائیوان کو عوامی جمہوریہ چین کا ناقابل انتقال حصہ سمجھتا ہے، شہباز شریف

اسلام ٹائمز۔ وزیراعظم شہباز شریف کا کہنا کہ پاکستان ون چائنہ پالیسی کی حمایت کرتا ہے، پاکستان چین کی قومی یکجہتی کے لیے چینی حکومت کے اقدامات کی حمایت کرتا ہے۔ سماجی رابطے کی ویب سائٹ ایکس (ٹوئٹر) پر اپنے پیغام میں وزیراعظم شہباز شریف نے کہا کہ پاکستان نے تائیوان پر چین کے اسٹرٹیجک مؤقف کی ہمیشہ حمایت کی ہے، پاکستان ون چائنہ پالیسی کی حمایت کرتا ہے، پاکستان تائیوان کوعوامی جمہوریہ چین کا ناقابل انتقال حصہ سمجھتا ہے۔ وزیراعظم کا کہنا تھا کہ پاکستان چین کی قومی یکجہتی کے لیے چینی حکومت کے اقدامات کی حمایت کرتا ہے، تائیوان میں خود ساختہ انتخابات اور انتقال اقتدار معروضی حقائق کو تبدیل نہیں کرتا۔