اسلام ٹائمز۔ امامیہ اسٹوڈنٹس آرگنائزیشن پاکستان بلتستان میں ایک تعزیتی اجلاس ڈویژنل صدر امتیاز عابدی کی زیر صدارت المصطفیٰ ہاوس میں منعقد ہوا۔ اجلاس میں ڈویژنل کابینہ کے علاوہ سٹی یونٹس کے ممبران شریک تھے۔ اجلاس میں امتیاز عابدی نے علامہ حافظ حسین نوری کی وفات کو شیعیان بلتستان کے لیے المناک سانحہ قرار دیا۔ انہوں نے کہا کہ علامہ حافظ حسین نوری جیسی علمی، عرفانی اور روحانی شخصیت برسوں میں ہی پیدا ہوتی ہے۔ ان کی وفات سے جو خلاء پیدا ہوا ہے وہ کبھی پر نہیں ہوسکتا۔ ان کی اس افسوسناک وفات پر لواحقین اور تمام دوست احباب بالخصوص مجلس وحدت المسلمین کے کارکنان کو ہدیہ تعزیت پیش کرتے ہیں۔