اسلام ٹائمز۔ مجلس وحدت مسلمین بلتستان ڈویژن کے سیکریٹری جنرل علامہ سید علی رضوی نے کہا ہے کہ کوئٹہ کے مظلومین اور لواحقین شہداء نے بدن سے تیروں کو موڑنے اور گلے سے خنجر کو کاٹنے کا کربلائی درس دہراتے ہوئے مظلومین و مستضعفین پاکستان کے ہمت اور حوصلے کو بلند کردیا ہے۔ میڈیا سے گفتگو کرتے ہوئے انہوں نے کہا کہ مومنین کوئٹہ کی فتح نے علامہ مفتی جعفر حسین کے دور کی یاد تازہ کردی جس نے آمر وقت ضیاء الحق کو گٹھنے ٹیکنے پر مجبور کردیا تھا، اسی طرح انہوں نے جمہوری آمر قاتلوں اور درندوں کی پشتی بان، ظالم اور احمق رئیسانی کی حکومتی تخت کو زمین بوس کر دیا۔