اسلام ٹائمز۔ اورکزئی ایجنسی اور خیبر ایجنسی میں فورسز کی کارروائیوں میں 13 شدت پسند ہلاک ہوگئے۔ کارروائی میں شدت پسندوں کے 6 ٹھکانے بھی تباہ ہوگئے۔ تفصیلات کے مطابق اپر اورکزئی ایجنسی کے علاقوں اوت میلہ اور مندر میلہ میں سیکیورٹی فورسز نے شدت پسندوں کے ٹھکانوں پر بمباری کی جس کے نتیجے میں 8 شدت پسند ہلاک ہوگئے۔ کارروائی میں شدت پسندوں کے 3 ٹھکانے بھی تباہ ہوئے ہیں۔ خیبر ایجنسی کی وادی تیراہ میں سیکیورٹی فورسز کی کارروائی میں 5 شدت پسند ہلاک اور متعدد زخمی ہوگئے ہیں۔ شدت پسندوں کے 3 ٹھکانے بھی تباہ کردیئے گئے ہیں۔