اسلام ٹائمز۔ جموں و کشمیر ماس مومنٹ کی سربراہ فریدہ بہن جی نے کشمیری عوام سے اپیل کی ہے کہ وہ الیکشن کا مکمل بائیکاٹ کریں، انہوں نے کہا ہے کہ مسئلہ کشمیر کا حل اقوام متحدہ کی قراردادوں میں مضمر ہے، فریدہ بہن جی نے کہا کہ مسئلہ کشمیر کا پائیدار حل اقوام متحدہ کی قراردادوں میں ہی مضمر ہے، انہوں نے کہا کہ کوئی بھی ریڈی میڈ حل اس دیرپا تنازعہ کا حل نہیں ہوسکتا ہے اور اقوام متحدہ کی پاس کردہ قراردوں کو روبہ عمل لانے سے ہی جموں کشمیر کے عوام کے احساسات اور خواہشات کو ملحوظ نظر رکھا جا سکتا ہے، انہوں نے حریت کانفرنس (گ) کے چیئرمین سید علی گیلانی کی دوبارہ خانہ نظر بندی کو حکومت کی بوکھلاہٹ قرار دیا۔