اسلام ٹائمز۔ مہدی ملیشاء کے سربراہ مقتدیٰ الصدر نے عراق بھر میں مقامات مقدس کی حفاظت کا اعلان کرتے ہوئے کہا ہے کہ ملک بھر میں تمام مذاہب کے مذہبی مقامات کی حفاظت کے لیے تیار ہیں۔ واضح رہے کہ مقتدیٰ الصدر کا شمار عراق کے انتہائی طاقتور رہنماوں میں ہوتا ہے، وہ مہدی ملیشاء کے نام سے جہادی تنظیم کے سربراہ بھی رہیں ہیں، تاہم ان دنوں وہ عراقی سیاست سے کنارہ کش ہیں۔ عراق میں دہشتگرد تنظیم داعش نے کارروائیاں شروع کر رکھی ہیں، اور مقدس مقامات کو بھی نشانہ بنانے کی دھمکی دی ہے۔