اسلام ٹائمز۔ پنجاب کے صوبائی وزیر قانون رانا مشہود احمد کا کہنا ہے کہ اگر ہم نے فیصلہ کر لیا تو 24 گھنٹے کے اندر اندر خیبر پختونخوا میں ہماری حکومت قائم ہو جائے گی ۔ صوبائی دارلحکومت میں جشن آزادی کے سلسلے میں منعقد کی گئی ایک تقریب سے خطاب کے دوران صوبائی وزیر قانون رانا مشہود نے عمران خان کو آڑے ہاتھوں لیتے ہوئے کہا کہ خیبر پختونخوا میں موجود تحریک انصاف کی حکومت ن لیگ کی جانب سے خیرات ہے۔ عمران خان کو کہتا ہوں کہ وہ قانون کو اپنے ہاتھ میں نہ لیں،ایسا محسوس ہو رہا ہے کہ تحریک انصاف کے چیئرمین حکومت کے ترقیاتی کاموں سے پریشان ہیں۔ ان کا مزید کہنا تھا کہ علامہ طاہر القادری، عمران خان اور چوہدری برادران ملک میں سیاسی عدم استحکام چاہتے ہیں۔