اسلام ٹائمز۔ ملک کی تاریخ میں پہلی بار فاٹا میں بچوں کو انجکشن کے ذریعے پولیو ویکسنیشن کا عمل شروع ہو گیا ہے ۔ اب تک ۵ ہزار سے زیادہ بچوں کو پولیو سے بچاو کےٹیکے لگائے گئے ہیں ۔ فاٹا سیکریٹریٹ کے مطابق پہلے مرحلے میں ایف آر بنوں کے ۱۷ ہزار سے زیادہ بچوں کو ٹیکے لگانے کا ہدف مقررکیا گیا ہے جبکہ اب تک ۵ ہزار ۹۰۶ بچوں کو یہ ٹیکے لگائے جا چکے ہیں۔ فاٹا سیکریٹریٹ کے مطابق انجیکشن کے ذریعے پولیو ویکیسن زیادہ موثر ہوتی ہے۔