چین دو سویلین جوہری ری ایکٹر پاکستان میں تعمیر کر رہا ہے، برطانوی جریدہ

اسلام ٹائمز۔ برطانوی جریدے اکنامسٹ نے ایک کتاب کے حوالے سے لکھا کہ پاک چین دوستی واقعی ہمالیہ سے بلند دکھائی دیتی ہے۔ پاکستان کو جوہری بم حاصل کرنے میں چین سے مدد ملی، چین سب سے زیادہ فوجی سازوسامان پاکستان کو فراہم کرتا ہے۔ اب توانائی کے بحران کے خاتمے میں مدد کیلئے چین حجم سائز کے دو سویلین جوہری ری ایکٹر پاکستان میں تعمیر کر رہا ہے۔ چین ایشیا بھر میں اپنی رسائی کو وسعت دے رہا ہے۔ بندرگاہوں، پائپ لائنوں، سڑکوں اور ریلوے کے نیٹ ورک جیسے چینی منصوبہ بندی میں پاکستان مرکزی حیثیت رکھتا ہے جو مشرق وسطی سے تیل اور گیس لانے میں مدد دے گا۔ چینی حکومت پاکستان کے منصوبوں کے لیے اربوں ڈالر خرچ کر رہا ہے۔ چین کا پاکستان میں اربوں ڈالر کی سرمایہ کاری کے پیچھے جواز ملک کو مستحکم بنیادوں پر کھڑا کرنا ہے۔ ماؤ دور سے پاکستان کی دوستی کے سفر کا آغاز بھارت سے حریفانہ جذبات سے شروع ہوئے۔ پاکستان اور چین کے تعلقات کی بنیاد دونوں ممالک کے کئی مشترکا مفادات تھے۔ دونوں ممالک کے درمیان خفیہ سودوں کی ایک طویل تاریخ ہے مگر دونوں ممالک کے درمیان تعلقات کو اسلامی عسکریت پسندوں نے زیر کردیا۔ چین کو سرحدپار سے عسکریت پسندی کے خطرات ہیں۔

پاکستان میں امدادی منصوبوں پر کام کرنے والے چینی انجینئرز کو انتہا پسندوں نے ہلاک کردیا۔ 2007ء میں چینی مساج پارلر ملازمین کو اسلام آباد میں شدت پسندوں نے یرغمال بنا لیا۔ چینی شکایت کے باوجود دارالحکومت میں حکام نے مشرقی ترکستان اسلامی تحریک کو ختم کرنے میں زیادہ اقدامات نہ کر پائی۔ امریکہ کے جرمن مارشل فنڈ پر ایشیا کے ماہر انڈریو سمال کی لکھی گئی کتابThe China Pakistan Axis: Asias New Geopolitics پر تبصرہ کرتے ہوئے لکھا گیا کہ چین کا گزشتہ ماہ پشاور سانحے پر پاکستان سے فوری تعزیت کوئی روایتی اشارہ نہیں تھا۔ دونوں ممالک کے درمیان طویل اور پر امن تعلقات بعض اوقات اس حکومتی استعارے پر یقین کراتا ہے کہ ان کا بندھن اور دوستی ہمالیہ سے بلند ہے۔ چین پاکستان میں سیاسی، سلامتی یا اقتصادی شعبے سمیت ہر ایک چیز کے بارے بہتر جانتا ہے جو دو طرفہ تعلقات پر اثر انداز ہو سکتا ہے۔ مصنف نے پاک چین تعلقات پر چھ سال تحقیق کی۔ انہوں نے لکھا کہ امریکی اثر رسوخ کم ہوتے ہی چین نے قدم بڑھا دیئے۔ چین پاکستان پر اتنی بھاری سرمایہ کا جواز پاکستان میں استحکام لانے کی دلیل پیش کرتا ہے یہی جواز امریکا بھی پیش کرتا ہے مگر اوباما اس کو متاثر کن انداز میں نہ کرسکا۔ چینی اس لحاظ سے خوش قسمت ہیں کہ وہ اپنے مقاصد کے حصول کی صلاحیتوں سے پر امید ہیں۔