ہنگو:
اسلام ٹائمز۔ اقوام متحدہ کے ادارے (OCHA) اوچا کی طرف سے جاری ہونے والی رپورٹ میں کہا گیا ہے کہ کوہاٹ اور ہنگو میں اب تک 35 ہزار سے زائد ایسے خاندانوں کی رجسٹریشن کی گئی ہے جن کا تعلق اورکزئی اور کرم ایجنسی سے ہے۔
رپورٹ میں کہا گیا ہے کہ متاثرین کی آمد سے کوہاٹ میں صحت کی سہولیات متاثر ہو رہی ہیں، جہاں اس وقت ایمرجنسی اور زندگی بچانے والی ادویات کی شدید قلت ہے۔ جبکہ ہنگو میں متاثرین کیلئے ایک اور کیمپ کھولنے کی اشد ضرورت ہے۔