پاکستان کیخلاف گریٹ گیم کیوجہ سے ملک بقاء کے مسئلے سے دوچار ہے، شاندانہ گلزار

اسلام ٹائمز۔ پاکستان تحریک انصاف کی رہنما شاندانہ گلزار نے نجی ٹی وی کے ٹاک شو میں گفتگو کرتے ہوئے کہا ہے کہ پاکستان دنیا کا واحد ملک ہے جہاں پانچ وزرائے اعظم کو شہید کردیا گیا،پی ٹی آئی میں دو گروپس بن گئے ہیں، ایک سمجھدار جو ذرا عمر والے لوگ ہیں، دوسرے ہم جو اپنے آپ کو خانسٹ کہتے ہیں، پاکستان کیخلاف گریٹ گیم کا دوبارہ آغاز ہوگیا ہے، خیبرپختونخوا اور بلوچستان میں معدنیات کا خزانہ ہے، پاکستان اپنی بقاء کے مسئلے سے دوچار ہے۔ نجی ٹی وی کے ٹاک شو میں گفتگو کرتے ہوئے پی ٹی آئی رہنما نے کہا کہ یہ امریکا اور چین کا مسئلہ نہیں کہ اس ملک کو کس طرح چلانا ہے، عوام کی رائے کی عزت نہیں ہوگی تو یہ ملک کتنی دیر رہ پائے گا۔