0
Sunday 17 February 2019 - 12:44

İsrail ordusu Qəzzada cümə yürüşündə 20 fələstinlini yaralayıb

Story Code : 778495
İsrail ordusu Qəzzada cümə yürüşündə 20 fələstinlini yaralayıb
Maide.Az "Felestin.info"a istinadla xəbər verir ki, nəticədə azı 20 nəfər yaralanıb. Onların hamısı döyüş sursatı ilə vurulublar. Yaralılardan biri yetginlik yaşına çatmayan şəxsdir və vəziyyəti kritik qiymətləndirilir.

Qəzza Səhiyyə Nazirliyinin açıqlamasına görə, işğalçılar 15 yaşlı yeniyetməni sinəsindən atəş açaraq yaralayıblar. Bureyc qaçqın qəsəbəsində baş vermiş insidentdən sonra yaralı yeniyetmə Qəzzadakı əl-Əqsa hospitalına çatdırılıb.

Ondan əlavə 29 yaşlı fələstinli qadın başından qəlpə yarası alıb. O da təcili Əqsa hospitalına aparılıb.

Dünən, həmçinin Qəzzanın şərq səmtində Məhəmməd Zənun adlı fotojurnalist də İsrail snayperi tərəfindən güllələnərək xəsarət alıb. Bildirilib ki, dünənki cümə yürüşündə 11 min fələstinli iştirak edib.

Ötən ilin 30 martından başlamış Böyük Qayıdış yürüşlərində bugünədək İsrail ordusu tərəfindən qətlə yetirilmiş fələstinlilərin sayının 265 nəfər olduğu bildirilir, 27 min nəfər isə yaralanıb. Onların 500 nəfərinin vəziyyəti ağırdır.
Source : Maide
Tagged
fələstin
Comment