اسلام ٹائمز۔ امامیہ اسٹوڈنٹس آرگنائزیشن پشاور ڈویژن اور مجلس وحدت مسلمین خیبر پختونخوا کے زیر اہتمام پشاور پریس کلب میں ''وحدت کانفرنس'' کا انعقاد کیا گیا، جس سے مجلس وحدت مسلمین پنجاب کے ڈپٹی سیکرٹری جنرل اور مہمان خصوصی علامہ اصغر عسکری، مجلس وحدت مسلمین خیبر پختونخوا کے سیکرٹری جنرل علامہ سبیل حسن مظاہری، آئی ایس او پشاور ڈویژن کے صدر ثاقب بنگش، چیئر مین عالمی علماء مشائخ کونسل مولانا محمد شعیب،پیر سید سجاد باشاہ، تحریک منہاج القرآن کے صوبائی سربراہ مولانا حبیب اللہ جان چشتی اور تحریک ختم نبوت کے رہنماء مولانا یونس قادری نے خطاب کیا،تمام مقررین نے اتحاد بین المسلمین پر سیر حاصل تقاریر کیں۔