یاد شہداء

  اسلام ٹائمز۔ مجلس وحدت مسلمین کے زیراہتمام 27 اکتوبر کو عظمت ولایت کانفرنس کی مناسبت سے گذشتہ شب شہداء کی یاد میں نشتر پارک میں چراغاں کا انعقاد کیا گیا۔ تقریب کا افتتاح مجلس وحدت مسلمین کے سیکرٹری جنرل علامہ ناصر عباس جعفری، علامہ حسن ظفر نقوی، علامہ صادق رضا تقوی سمیت دیگر رہنماوں نے نے کیا۔ اس موقع پر کراچی شہر کے مختلف علاقوں سے موٹر سائیکل ریلی کی صورت آنے والے کارکنوں کی بڑی تعداد بھی شریک تھی۔ اس موقع پر علامہ ناصر عباس جعفری کا کہنا تھا کہ شہادت ہماری میراث ہے، ہم کبھی شہداء کو نہیں بھولیں گے، شہید قوم کو زندہ کرتا ہے اور اس کی یاد دلوں کو زندہ کرتی ہے۔