اسلام ٹائمز۔ تاجر برادری نے دکانوں پر انتظامیہ کی کارروائیوں کے خلاف احتجاج شروع کر دیا۔ تفصیلات کے مطابق انجمن تاجران بلوچستان کی جانب سے کوئٹہ میں تاجروں کے گوداموں پر کسٹمز انٹیلی جنس اور ایف سی کے چھاپوں کے خلاف احتجاج کا آغاز کر دیا گیا ہے۔ اس سلسلے میں آج کوئٹہ میں احتجاجی ریلی نکالتے ہوئے کسٹمز ہاؤس کوئٹہ کے سامنے مظاہرہ کیا گیا، جبکہ تاجروں نے دکانیں بھی بند کر دیں ہیں۔ تاجروں کا کہنا ہے کہ متعلقہ ادارے ٹیکس ادا شدہ سامان کو ضبط کرتے ہیں۔ انہوں نے مطالبہ کیا ہے کہ متعلقہ ادارے تاجروں کے گوداموں پر چھاپو کا سلسلہ روکے اور قبضے میں لیا ہوا سامان تاجروں کو واپس کرے۔