سانحہ 9 مئی کے زمہ داروں کو نشان عبرت بنایا جائے، امجد حسین ایڈووکیٹ

اسلام ٹائمز۔ پیپلز پارٹی گلگت بلتستان کے صوبائی صدر امجد حسین ایڈووکیٹ نے سانحہ 9 مئی کے حوالے سے جاری بیان میں کہا کہ 9 مئی پاکستان کی تاریخ کا سیاہ ترین دن ہے۔ 9 مئی کے اندوہناک سانحے کی جتنی بھی مذمت کی جائے کم ہے۔ اس دن خاص نظریے کو پروان چڑا کر ریاستی املاک کو نقصان پہنچایا گیا۔ شہداء کے یادگاروں کی بے حرمتی کی گئی اور دشمن ممالک کو یہ پیغام دینے کی کوشش کی گئی کہ پاکستان میں لوگ ریاست کے خلاف نکلے ہیں۔ بدقسمتی سے آج بھی اسی نظریے کو پروان چڑا کر ملکی سالمیت کو نقصان پہنچانے کی کوشش کی جا رہی ہے جو قابل مذمت ہے۔