نئی دہلی:بھارت نے کہا ہے کہ پاک بھارت وزراء خارجہ اجلاس میں صرف دہشتگردی کے معاملے پر بات ہو گی ۔ اعلیٰ بھارتی حکام کے ذرائع نے نام نہ بتانے کی شرط پر بتایا ہے کہ بھارتی کابینہ نے وزیر خارجہ ایس ایم کرشنا کو ہدایت کی ہے کہ وہ ستائیس ستمبر کو پاک بھارت وزرائے خارجہ اجلاس میں صرف سرحد پار دراندازی پر بات چیت کریں ۔ ذرائع کے مطابق دونوں رہنمائوں کے درمیان ملاقات میں تعطل شدہ پاک بھارت امن مذاکرات کی بحالی کا کوئی امکان نہیں ہے۔ کیوں کہ بھارت یہ خیال کرتا ہے کہ پاکستان کی جانب سے بھارت میں دہشتگردی کے خطرات میں ابھی تک کوئی کمی واقع نہیں ہوئی ہے۔