اسرائیل دنیا میں منزوی ہو چکا ہے، سابق اسرائیلی وزیر خارجہ

اسلام ٹائمز – فارس نیوز ایجنسی کے مطابق سابق اسرائیلی وزیر خارجہ اور کادیما پارٹی کی سربراہ زیپی لیونی نے اس بات کا اعتراف کیا کہ اسرائیل عالمی سیاست میں اکیلا رہ گیا ہے اور گوشہ گیر ہو چکا ہے۔ انہوں نے بنجمن نیتن یاہو کی قیادت میں موجودہ اسرائیلی حکومت پر سخت تنقید کرتے ہوئے کہا کہ اسرائیل کی گوشہ گیری روز بروز بڑھتی چلی جا رہی ہے۔
زیپی لیونی نے کہا کہ امریکی صدر باراک اوباما کی طرف سے دو خودمختار ریاستوں کے قیام کا منصوبہ اسرائیلی مفادات کے حق میں ہے اور اسرائیلی حکومت کو یہ منصوبہ تسلیم کر لینا چاہئے۔ اس وقت اسرائیل کی پارلیمنٹ کینسٹ میں کادیما پارٹی کے پاس 28 سیٹیں ہیں اور سب سے بڑی اپوزیشن جماعت سمجھی جاتی ہے۔