اسلام ٹائمز۔ ڈیرہ اسماعیل خان جیل سے فرار ہونے والے 40 سے زائد قیدیوں کو دوبارہ گرفتار کر لیا گیا ہے، پولیس کے مطابق جیل میں قید 242 قیدیوں میں سے 40 سے زائد کو گرفتار کر لیا گیا ہے۔ دوسری جانب آئی جی خیبر پختونخوا نے ڈی پی او ڈیرہ اسماعیل خان کو او ایس ڈی بنا کر وفاقی حکومت سے انہیں معطل کرنے کی سفارش کی ہے جبکہ تین ایس ایچ اوز کو بھی ان کے عہدوں سے ہٹا دیا گیا ہے۔ اس کے علاوہ حملہ کی تحقیقاتی رپورٹ بھی وزیر اعظم کو ارسال کردی گئی ہے۔