لاہور،مسلح افراد کی فائرنگ سے کوئٹہ کا رہائشی ڈاکٹر غلام رضا جعفری شہید

اسلام ٹائمز۔ باغبانپورہ کے علاقہ میں نامعلوم مسلح افراد نے فائرنگ کر کے کوئٹہ کے رہائشی ڈاکٹر غلام رضا جعفری کو شہید کر دیا اور فرار ہو گئے۔ پولیس نے لاش کو ہسپتال منتقل کر کے کارروائی کاآغاز کر دیا۔ تفصیلات کے مطابق کوئٹہ کے علاقہ علمدار روڈ کے رہائشی ڈاکٹر غلام رضا جعفری جو باغبانپورہ میں موجود تھے کو نامعلوم مسلح افراد نے اندھا دھند فائرنگ کر کے شہید کر دیا۔ اطلاع ملتے ہی پولیس کی بھاری نفری موقع پر پہنچ گئی جس نے لاش کو ہسپتال پہنچایا۔ ذرائع کے مطابق واقعہ ٹارگٹ کلنگ لگتا ہے تاہم پولیس کے مطابق اس کی تحقیقات شروع کر دی گئی ہیں جلد ہی قاتلوں کو گرفتار کر لیا جائے گا۔