اسلام ٹائمز۔ بلتستان ڈویژن کے دونوں اضلاع اسکردو اور گنگچھے میں آج سے گیارہ محرم الحرام تک ڈبل سواری پر پابندی عائد کر دی گئی ہے۔ بلتستان انتظامیہ نے امن و امان کی صورتحال کو قابو میں رکھنے کے لیے ڈبل سواری پر پابندی عائد کر دی ہے۔ اسکردو شہر میں عاشورا محرم کے موقع پر دہشت گردی کے کسی بھی منصوبے کو ناکام بنانے کے لئے اقدمات کیے جا رہے ہیں۔ اس سلسلے میں شہر میں غیر مقامی افراد کے داخلے پر مکمل پابندی عائد کر دی گئی ہے اور قانون نافذ کرنے والے اداروں کو تمام ماتمی جلوسوں میں داخل ہونے والوں کی تلاشی کو یقینی بنانے کا حکم دیا گیا ہے۔