مولانا محمد خان شیرانی دوبارہ چیئرمین اسلامی نظریاتی کونسل مقرر

اسلام ٹائمز۔ صدر ممنون حسین نے وزیر اعظم میاں محمد نواز شریف کے سفارش پر جمعیت علماء اسلام (ف) کے رہنما مولانا محمد خان شیرانی کو دوبارہ چیئرمین اسلامی نظریاتی کونسل مقرر کر دیا ہے۔ ایوان صدر سے بدھ کو مولانا محمد خان شیرانی کی تقرری کا نوٹیفیکیشن جار ی کر دیا گیا۔ چیئرمین اسلامی نظریاتی کونسل کی تقرری تین سال کے لئے ہوگی، باضابطہ طور پر ایوان صدر سے اعلامیہ جاری کر دیا گیا ہے۔